اللہ تعالی کے آخری نبی سیدنا محمد ﷺ رہتی دنیا تک بنی نوع انسان کے لیے سرچشمہ ہدایت ہیں۔ آپ کی پاکیزہ زندگی عامۃ المسلمین کے لیے خوبصورت نمونہ ہے جس پر چل کر دنیا اور آخرت کی کامیابیاں حاصل کی جا سکتی ہیں ۔ آپ ﷺ کے فرمودات اور ا اعمال سنت مطہرو ہیں جو احادیث کی شکل میں ہمارے لیے دینی تعلیم اور تربیت کا گرانقدر سرمایہ ہیں۔ زیر نظر 60 احادیث کے مجموعے میں چھوٹے چھوٹے پیارے بچوں کے لیے رسول اللہ ﷺ کی وہ احادیث پیش کی گئی ہیں جن سے نوخیز طلبہ و طالبات زندگی کے اوائل میں روشنی اور رہنمائی حاصل کر سکتے ہیں۔